شو الاخبار
, ,

شو الاخبار

الرئيسية

,,

شو الاخبار



شو يعني انا من فلسطين

شو يعني انا من فلسطين

انا من بلد بيعرف كل بيت فيه بالحارة شو طابخين الجيران !!!
هاد البيت طابخ ملوخية...وهاد البيت طابخ مقلوبة ...وريحة الخيار يعني سلطة 
والسمك شارح حالو لحالو !!! 
وذبح البطيخة يعني فضيحة ؟؟!!
انا من بلد القمر فيه في الصيف يعني ¥سهرة¥ 
وكل عرس يعني دبكة 
والخطبة كنافة 
وكتب الكتاب يعني منسف 
من بلد كانت جدتي تقول ي جدي 
"غسل وجهك ما بتعرف مين بيبوسو 
وكنس بيتك ما بتعرف مين بدوسو " 
وابوي يقول 
"جارك اخاك اذا ما شاف وجهك
بيشوف قفاك" 
من بلد لما يندق الباب نتحزر بين بعضنا 
مين اجانا ؟؟
رنة الجار ...سريعة وقصيرة 
رنة عمتي .... خفيفة وناعمة 
وهاي خبطة ابن الجيران..... 
وهاي خشخشة المفاتيح .. لء ابوي بينادي وبتنحنح..

من بلد ...كان الذهب الاساور الرفيعة والمبرومة والحية ....
انا من بلد المسخن والمنسف والمقلوبة والرمانية والسماقية ...اللي بتنطبخ في الافراح وبيووم الجمعة 
وشوربة العدس كل ايام رمضان .... 
بلد كلشي بيصير فيه بيستاهل يكون 
خبرية 
بلد حتى حبال الغسيل بتحكي قصص ،ووملاقط الغسيل بتنقل رسائل غرام !!! 
ونشر الغسيل الو اصولو مشان ما يقولو عن الست عفشة !
بلد كانت الست تقول "لو اسوارتي وقية ما الي عن جارتي غنية " 
بيت الجيران اول بيت بيندق لما بيخلص الخبز ع غفلة ،ولما ما بيلتقى ليمونة ...
بيت الجيران اول بيت بنزورو في العيد....تنوخذ اول عيدية 
والبيت يللي بيتحمل ولدنتنا لما ندق الباب ونهرب 
وبنرش عتبته مي لما لما بنفتح البربيج تنرش الحارة بالصيف 
في بلدي ما في قطة جعانة ... وكل كلاب الشوارع شبعانة 
وبكل حوش في دالية وفراش للضيف 
ونملي فيها المكدوس وتنكة زيت زيتون وزعتر ... 
في بلدي 
 في الشتوية ... الصوبة ونارها والخبز المحروق والكستنا المشوية ... وكاسة الشاي من ايد لايد بقعدة كلها طنة ورنة ....!!!
#يعني بلا زغره انا من فلسطين

اقرأ ايضا
أضف تعليق
أرسل لصديق
إطبع المقال
تعليقات الفيسبوك




إضاءات

تم هذا الأسبوع توقيع اتفاقية تعاون وشراكة بين مكتب مراقب الحسابات سليم بديع جريس....

توصيات الزوار